I'han an wonderschena Garta Eizäunt isch'r mit lauder Latta. D'Latta ganget net bis zom Boda nonder, Sonscht wär's net meglich gwä, des Wonder. Hendram Zau standet Brombeerhecka, Wo mir sich prima ka verstecka. I'war em Garta am a schöna Dag, Weil i'dia Brombeer so arg mag. Wia i' someine Brombeer pflück, Ond dr‘bei durch d'Hecka spick, Kommt oiner g'loffa em a Affa-Zah Fascht bis an Zau, no stoht er na. Zerscht glotzt'r nonder, ond no nuff; I' stand ganz schtill ond denk: Pass uff. I'glaub, i'spenn, macht doch der Donder Kurz vor mei'm Zau sei Hosa nonder. Gmächlich ferngt'r a sich z,bucka Om sich sei Wurscht aus'em Ranza z'drucka. Doch eh der Sega kommt von oba, Han i'mei Schipp durch da Zau druchg'schoba. I'knui hendram Zau'ond han s'Lacha verbissa, Derweil hot der uff mei Schaufel nuff g'schissa. Ond wia i'seh, jetzt ischt'r am End Ziag i'mei Schipp widder zruck, ganz g'schwend. Es kommt so, wia i'mir's han dacht, Der Denger will gucka, was'r hot g'macht. Er dreht sich rom, tuat d‘ Auga uffreissa, glotzt ganz entgeistert ond suacht sei Scheisse.
Er suacht em Gras ond uff de Schua, Goht's hier no mit rechte Denge zua? Als er nix g'-seha hot ond au nix g'rocha, Isch'm d'r Angstschweiss aus de Pora brocha. Seine Knui werdet woich, er war fascht am Kentra, Er langt an sein Kopf,'ond no an da Hentra, Ond wia er sich no seine Fenger verschmiert No woiss ‘ r: Jetzt isch a Wonder bassiert. Er kommt net aus'em Stauna ond Stutze, Vor Schreck vergisst'r sein Arsch zu butza, Schnell ziagt'r d'Hosa nuff, no rennt er fort, Oheimlich ischt'm der grausige Ort. I'ka jetzt koine Beere meh pflücka, Vor Lacha mi nemme strecka ond bücka. Da ganze Dag han i'no g'lacht, Weil i'mit d'r Schipp a Wonder vollbracht. A paar Dag später - i'ben widder em Garte, Seh i'am Zau scho widder an Schadda. I'schieich me na, ond ben von de Socke. Seh i'doch den Scheisser scho wieder hocke. Hoppla, denk i'mir: Heit kommsch dra. I'sau wia d'r Blitz zom Hennastall na. Schnell stier i'em Nescht rom, ond is zwei, drei Han i'gfonda was i'suach, nämlich a Ei., No hol i‘ mei Schipp ond schleich uff de Socke, z’ruck an da Zau, wo mei Scheisser tuat hocka. Er sucht grad Babier, om de Hentra z‘ butze, bass uff, denk i‘ mir, dui Zeit muascht’d nutze.
Schnell han i'ehm - s'isch g'wiess net vorloga, Mit d'r Schipp ondrem Arsch sei Scheisse wegzoga. S-Ei nemm i'ganz sacht ond leg's so o'gfähr An dui Stell, wo jetzt sei Haufa gwä wär. Ond widder kommt's so, wia i'mir's han dacht. Der Kerle will gucka, was er hot g'macht, Er dreht sich rom, duat d'Auga uffreisse, Ond denkt: Hano, des isch doch koi Scheisse. Des isch doch a Ei, wie's d'Heaner dean lega. Er ka's kaum fassa - so an Sega. Schnell schnappt'r s'Ei, zu seim Weib isch er g'laufa, Ond schreit:--"Alte, mir brauchet koine Eier meh kaufa". Ond no verzählt er ihr klipp ond klar, wia des beim Scheissa am Gartazau war. Sei Frau moint: "Des muasch m'r z'erscht beweise. A Mensch ka doch koine Eier et scheissa". No secht d'r Ma: "Na guat ond sche, Beim nägschte Schiss, do wirsch's jo seh . Heit geht's aber nemme, muascht warta bis morga, Zweimol am Dag, des kanne net b'sorga." Am nägschta Dag war's no so weit. "Weib" - ruaft d'r Ma - "s'wird högschte Zeit! Komm schnell mit deim Huat, ond heb'n dronder, Sonscht fallet die Eier gar so hart nonder!"
Scho kommt se g'loffa, so schnell se ka. Er hockt uffem Boda, ond fangt scho a, Sei Arsch, der kracht, wia a G'witter em Mai, Doch was do raus kommt, dees isch koi Ei.
Sei Weib guckt en Huat, ond fangt a z'schreia. Da Hat däts'm am liebschta ens G'sicht nei keia. Se tritt'en en Arsch ond brüllt voller Wuat: Mi hosch jetzt b'schissa ond drzua no mein Huat!" "I'ahn's scho lang, aber jetzt woisst's bald jeder, Du bisch ond bleibscht halt a Sempel, a bleder. Du bisch der Demmschte, i ka's jetzt beweissa, Wonder gibt's koine, scho gar net beim Scheissa."
I ka's eich versichre, des G'schichtle isch wohr, bassiert ischt dui Gaude vor etwa fenf Johr. Ond i'ka eich saga, denn i'muass jo wissa: An mein Zau, hot der nemme na g'schisse.
.-.-.-. - ... mußte um olls richtig zu verstehen es zweimal durchlesen !! ... Diesen Dialegt od. Slange hob i scho long nimmer gehört , geschweige denn ... gelesen jo !
Freizeit Stübchen
»
»
selbst gereimt, selbst erdacht - hier eingebracht
»
A Wonder! Am Gartenzaun! Echt schwäbischen Humor
Forums Regeln
Grußkarten
Forumspiele
Puzzles
div.Webcams
Thema drucken
05.07.2020 14:36
Antworten
- ... mußte um olls richtig zu verstehen es zweimal durchlesen !! ...
